BE-ja do të duhet të bashkëjetojë me Rusinë, pavarësisht mizorive ruse në Ukrainë. Kështu deklaroi Komisioneri i BE-së për Sigurinë dhe Politikën e Jashtme, Josep Borrell, të cilit iu kërkua të komentojë deklaratën e Presidentit francez Emmanuel Macron se “Rusia nuk duhet të poshtërohet”. Në një intervistë me revistën zyrtare të BE-së, Borell tha se një rezultat i pranueshëm për BE-në do të ishte nëse palët në konflikt do të ktheheshin në pozicionet e tyre para pushtimit rus në shkallë të gjerë më 24 shkurt.

“Të gjitha luftërat përfundojnë me një armëpushim dhe negociata. Ukraina duhet të kalojë në këtë fazë nga një pozicion fuqie, në mënyrë që Rusia të mos pushtojë më territoret që ka pushtuar që nga 24 shkurti”, tha diplomati.