Që nga fillimi i luftës në Bullgari hyrën më se 330 000 ukrainas. Te data e sotme në vend ndodhen rreth 78 mijë, pothuajse gjysma e të cilëve janë të vendosur në baza shtetërore dhe hotele në kuadër të programit të ri humanitar. Këtë e bëri të ditur shërbimi për shtyp i qeverisë.

Më shumë se 5600 qytetarë ukrainas me mbrojtje të përkohshme janë të punësuar në punë të përkohshme në Bullgari, gjë që përfaqëson mbi 15 për qind të refugjatëve të aftë për punë nga Ukraina në Bullgari. Kjo është përqindja më e lartë e refugjatëve të integruar që shteti ka arritur në historinë e tij të re dhe vetëm në 3 muaj, njofton qeveria. Ukrainasit punojnë kryesisht në hotele dhe restorante, shërbime administrative dhe mbështetëse për ndërtim, aktivitete profesionale, kërkime dhe IT. Ukrainasit janë të emëruar tashmë në degë të ndryshme si drejtues, specialistë, teknikë, staf mbështetës dhe administrativ, si dhe persona me profesione që nuk kërkojnë kualifikime të veçanta.