10.8 milionë leva në kuadër të Programit Kombëtar për Studime Polare do të përdoren për të financuar studimet në rajonin e Antarktidës dhe Arktikut, njoftoi qendra e shtypit e Ministrisë së Arsimit dhe Shkencës. Përveç mbështetjes për projektet kërkimore, pritet zhvillimi i një programi master për kërkimet polare, i cili do të tërheqë shkencëtarët e rinj për të zhvilluar karrierën e tyre në këtë fushë.

Koordinatori i programit është Qendra Kombëtare për Kërkime Polare në Universitetin e Sofjes "Shën Klementi i Ohrit". Partnerët janë Instituti Bullgar i Antarktikut, Instituti i Pyjeve në Akademinë Bullgare të Shkencave, Muzeu Kombëtar i Shkencave Natyrore,Shkolla e Lartë Detare "N.J. Vapcarov”e të tjerë.

Përpiloi: Joan Kolev

Përgatiti në shqip: Vesella Mançeva