Parlamenti bullgar thirri një seancë të jashtëzakonshme për të diskutuar mbi votën e mosbesimit ndaj qeverisë së Kirill Petkovit të kërkuar nga GERB-SDS. Motivi i forcës së dytë më të madhe politike në opozitë është dështimi në politikën financiare dhe ekonomike të kabinetit.

Mbështetje për mocionin e mosbesimit deri më tani kanë shprehur edhe partitë e tjera opozitare – partia e turqve etnikë dhe myslimanëve të tjerë në Bullgari Lëvizja për të Drejtat dhe Liritë (DPS) dhe partia nacionaliste “Vëzrazhdane”, si dhe partia e shoumenit Sllavi Trifonov “Ka një popull të tillë” (ITN), e cila u shkëput nga koalicioni në pushtet.

• Largimi i kryetarit të Parlamentit si një provë për rrëzimin e qeverisë

Pritet që votimi të mbahet më 22 qershor, por jo më herët se 24 orë pas përfundimit të diskutimeve sot. Në rast se votimi është i suksesshëm , duhet të bëhet një përpjekje e re për të formuar një qeveri, brenda Legjislaturës së tanishme të Kuvendit Popullor, me mandat të forcës më të madhe parlamentare – “Po e vazhdojmë ndryshimin”.