Kabineti refuzon propozimin e liderit të GERB-it, Bojko Borisov, që Këshilli i Ministrave fillimisht të miratojë formulën e Presidencës franceze për të ndihmuar Maqedoninë e Veriut në fillimin e bisedimeve për anëtarësim në BE, dhe më pas këtë vendimin të mbështetet në Kuvendin Popullor me votat e GERB-SDS. Kjo u bë e qartë nga një koment i zëdhënëses së qeverisë Lena Borisllavova për gazetën “Dnevnik”. Ajo thekson se Kryeministri Kirill Petkov nuk do të tërhiqet nga procedura e shpallur jo një herë, e pikërisht vendimi për Maqedoninë e Veriut të votohet fillimisht në komisionin e jashtëm parlamentar, më pas në sallën plenare dhe në fund në Këshillin e Ministrave.

“Është e rëndësishme që Bojko Borisov të urdhërojë 59 deputetët e tij që të punojnë për përditësimin e buxhetit dhe ligjet mbi Planin e Rimëkëmbjes dhe Qëndrueshmërisë”, shtoi Lena Borisllavova.