Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria prapë është në pragun e zgjedhjeve

Foto: arkiv

 Pas votimit të parë të suksesshëm të mocionit të mosbesimit në historinë bullgare në krye të Bullgarisë qëndron një qeveri në dorëheqje dhe një parlament i ndarë nga sulme midis partive. Kuvendi Popullor mund të punojë në mënyrë të plotëvlefshme, si dhe qeveria e dorëhequr, por duhet pasur kujdes me shumicat e përkohshme. Megjithatë nën pikëpyetje është përditësimi i buxhetit, gjë nga e cila varen masat kundër inflacionit që prekin një pjesë të madhe të bullgarëve, paralajmërojnë analistët.

Votimi mbaroi, mbetet një detyrë me shumë të panjohura

“As të gjithë ne që komentonim vështirësitë objektive, kontradiktat në koalicion, problemet e vazhdueshme të koalicionit me partinë në pushtet, përplasjen me opozitën, nuk e imagjinonim që kjo qeveri të përfundonte kaq lehtë dhe kaq shpejt – tha në një intervistë për BNR sociologia Borjana Dimitrova, Menaxhere e “Alpha Research”. - Ngërçi ekonomik, inflacioni, situata e tensionuar gjeopolitike e bënë atë që askush të mos ishte veçanërisht i etur për të marrë pushtetin. Komentuesit theksonin vazhdimisht se mungesa e një force politike që ndihet e gatshme për të sunduar në këtë situatë duket se po i zgjat jetën kësaj qeverie.”

Borjana Dimitrova

Pas rënies së kabinetit rezulton se nuk është aq e lehtë të zgjidhjet enigma politike. Dëshpërimi dhe pamundësia e Kuvendit Popullor për të marrë vendime pas tërheqjes së një partneri të koalicionit - “Ka një popull të tillë”, nga qeveria është më se e dukshme dhe do të çojë në zgjedhje të parakohshme.

Megjithë situatën e vështirë Kryeministri i dorëhequr Kirill Petkov tha, se partia e tij “Po e vazhdojmë ndryshimin”, e cila është forca më e madhe parlamentare, do të pranojë mandatin për formimin e qeverisë nga Presidenti Rumen Radev dhe do të bëjë provë të gjejë 121 deputetë të pavarur për kabinetin e ri. Megjithatë Zëvendëskryeministri Asen Vasilev është pesimist dhe parashikoi se vendi po shkon drejt zgjedhjeve të reja në vjeshtë.

“Kërkimi i mbështetjes nga disa deputetë, për të cilët është e paqartë se me çfarë mekanizmi do të bashkohen, sa e qëndrueshme do të jetë vota e tyre, është ose një histori naivësh ose një lajthitje e rrezikshme politike. Është e vështirë, sidomos kur kemi një sërë krizash - ekonomike dhe politike - të mbështetemi në një qeveri që do të varet nga një lëvizje, do të thosha, Lëvizja Browniane e deputetëve që vijnë e shkojnë. Një qëndrim i tillë politik nuk është serioz dhe pista është vërtet e hapur.”

Në këtë situatë, shpejtësia me të cilën do të kthehet ruleti parlamentar është vendimtare. Varet nga presidenti, ka afate kushtetuese, por mund të jetë më i shpejtë ose më i ngadalshëm për të përditësuar buxhetin - një çështje jashtëzakonisht serioze që shqetëson shumë bullgarë, pasi parashikon një rritje të pensioneve nga 1 korriku, ulje taksash për familjet që punojnë me fëmijë, mbështetje biznesi në lidhje me çmimet e larta të energjisë. Lidhur me këtë, Ministri i dorëhequr i Çështjeve Sociale Georgi Giokov u bëri thirrje deputetëve që të “tregojnë arsye të shëndoshë” dhe të mbështesin masat sociale dhe kundër inflacionit të përcaktuara në përditësimin.

“Ka shumë oreks dhe pasion për buxhetin - tha sociologia Borjana Dimitrova. - Nga njëra anë na thuhet se mund të plotësohen kërkesa të ndryshme, nga ana tjetër pohojnë se kjo është një bombë me sahat që do të shpërthejë vitin e ardhshëm. Është e vështirë të vlerësohet e vërteta, por gjithsesi na duhet një bisedë serioze dhe një përditësim buxhetor shumë kuptimplotë. Nëse kjo do të ndodhë dhe çfarë propozimesh do të bëhen ndërmjet leximit të parë dhe të dytë të dokumentit në Kuvendin Popullor - kjo është një çështje e rëndësishme politike që do të na japë sinjale se ku mund të mendojmë për koalicionet e ardhshme apo koincidencë e të paktën parimeve themelore ekonomike.”

Përpilues: Elena Karkallanova (sipas intervistës së Lora Tërkoleva, BNR, “Horizont”)

Përgatiti në shqip: Svetllana Dimitrova

Foto: arkiv, BGNES



Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Do të hiqen tarifat e roamingut me BE-në për Shqipërinë dhe Malin e Zi Në vitin 2026 tarifat e roamingut midis Shqipërisë dhe BE-së do të hiqen plotësisht, tha gjatë vizitës së saj në Tiranë më 13 tetor kryetarja e Komisionit Evropian..

botuar më 25-10-17 8.00.MD
Kryeministri i RSM Hristijan Mickoski

Kryeministri maqedonas Hristijan Mickoski: Nuk do t'i përfshijmë pa kushte bullgarët në kushtetutë

Kryeministri i Maqedonisë së Veriut Hristijan Mickoski tha se kabineti i tij nuk do t'i përfshijë pa kushte bullgarët në ligjin themelor të vendit. "Askush nuk ka të drejtë të presë që kjo qeveri do të bëjë pa kushte ndryshime në kushtetutë",..

botuar më 25-10-17 2.30.MD
Kryeministri Rosen Zheljazkov dhe lideri i GERB Bojko Borisov

GERB dhe DPS – Fillimi i Ri janë kundër zgjedhjeve të parakohshme

Nuk është koha për zgjedhje, tha kryeministri Rosen Zheljazkov në një forum të partisë GERB. Ai u shpreh kundër zgjedhjeve gjatë futjes së euros në vend në vitin 2026. “Ne kemi nevojë për një shumicë të qëndrueshme parlamentare me një angazhim..

botuar më 25-10-17 1.51.MD