Nëse shikoni programet e saj të koncerteve, patjetër do t'ju bëjnë përshtypje dy gjëra - premierat e shumta dhe prania e vazhdueshme e veprave të autorëve bashkëkohorë - bullgarë dhe vitet e fundit edhe të huaj. Aleksandra Ivanova tregon se interesimin e saj për shkollën e kompozicionit vendas ajo ia detyron mësuesit të saj të pianos - Profesori Jovço Krushev, i cili i këshillon nxënësit e tij që vazhdimisht të zgjerojnë repertorin e tyre të veprave bullgare. Pianistja e re ka prezantuar dhe po vazhdon të prezantojë vepra nga Nikollaj Badinski (një kompozitor bullgar me famë botërore, i cili prej viteve jeton në Gjermani), Stojan Babekov, Angjell Kotev, Krasimir Taskov e të tjerë. Ajo ka dhe profil të saj interpretimi në You Tube, përmes të cilit interpretimet e saj arrijnë deri tek autorët modern nga vendet e ndryshme, me të cilët po kështu është në një bashkëpunim.
“Çdo gjë filloi nga Martin Max Schreiner* nga Shtetet e Bashkuara, i cili vendosi të shkruaj posaçërisht për mua pjesën “Fragmente opere pa libret”- tregon pianistja. Premiera botërore ishte në sallën e dhomës “Bëllgaria” gjatë vitit 2020 në koncertin e titulluar “Bota muzikore e Bullgarisë dhe e Amerikës”. Përveç “Fragmente opere pa libret” ekzekutova për herë të parë tek ne, akoma dy krijime të tij. Atëherë ishte dhe premiera bullgare e Suitës për violë dhe piano nga Christopher Lowry nga Shtetet e Bashkuara, të cilën e interpretuam bashkë me Kristian Sugarevin. Kurse vitin e kaluar, në kuadrin e ateliesë ndërkombëtare në kompozicion në Akademinë Kombëtare Muzikore “Panço Vlladigjerov”, prezantova “Improvizime për piano” nga autori i ri rumun Vlad Gînța, po kështu një premierë për Bullgarinë”.
Publiku i kryeqytetit do të takohet me Aleksendrën në koncertin më 26 qershor, në sallën e dhomës “Bëllgaria” nga ora 12:00. Përsëri do të ketë dy premiera, ku ngjarja është në kuadrin e festivalit ndërkombëtar “Javët muzikore të Sofjes Skenë e muzikantit të ri”. Ja dhe hollësira të tjera:
“Programi është i larmishëm. Aksenti është mbi krijimin e kompozitorit të njohur polak Marian Borkowski “Ndërhyrje romantike”, që do të tingëllojë për herë të parë në Bullgari - sqaron Aleksandra. Ka dhe një premierë tjetër për vendin tonë - Suitë koncertesh mbi "Bukuroshja e Fjetur" nga Çajkovski, transkriptim i autorit i Mihaill Pletnjov,e cila prezanton një trajtim pak më të ndryshëm të kësaj muzike. Unë punoj si shoqëruese baleti në Operën e Sofjes, e njoh shumë mirë baletin dhe për këtë vendosa të luajë të gjithë suitën. Duhet të them se pjesë të veçanta prej saj janë interpretuar tek ne, por për herë të parë do të tingëllojnë që të gjitha 11 pjesët. Kam përfshirë dhe Preludi dhe Fuga nga "Piano e temperuar mirë" e Johann Sebastian Bach. Mendoj se, do të formohet një program shumë interesant dhe shpresoj që ai të pëlqehet nga publiku”.
*Martin Max Schreiner - "Opera scenes without a Libretto" (dedicated to Aleksandra Ivanova)
Përgatiti në shqip: Nataniela Vasileva
Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e..
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh..
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të..