Presidenti Rumen Radev u bëri thirrje palëve që të hyjnë në dialog që të mund të funksionojë shteti. Në fillim të konsultimeve për caktimin e mandatit pas dorëheqjes së kabinetit të Petkovit, ai theksoi se krahas krizës ekonomike, sociale, shëndetësore dhe të refugjatëve po përballemi me krizë politike dhe e ardhmja e qytetarëve varet nga vendimi i politikanëve dhe institucioneve. Ndër detyrat urgjente, kreu i shtetit vuri në dukje përditësimin e buxhetit dhe miratimin e ndryshimeve legjislative për nisjen e Planit të Rimëkëmbjes dhe Qëndrueshmërisë. Gjatë bisedës me përfaqësuesit e GERB-SDS u bë e qartë se nëse “Po e vazhdojmë ndryshimin” nuk arrin të formojë kabinet, koalicioni do ta kthejë mandatin “sa më shpejt”. "Nuk ka potencial për formimin e një koalicioni parimor në këtë parlament," komentoi nënkryetari i GERB-it Tomisllav Donçev.