Në një seancë gati 12-orëshe, Këshilli i Lartë Gjyqësor refuzoi t'i japë fund të parakohshëm mandatit të kryeprokurorit.Vetëm dy nga anëtarët e këshillit ishin “për” largimin e Ivan Geshevit. Që të gjithë 16 të tjerët votuan “kundër”. Debatet për kërkesat e ministres në dorëheqje të Drejtësisë Nadezhda Jordanova dhe paraardhësit të saj Janaki Stoillov për ndërprerjen e parakohshme të mandatit të kryeprokurorit Ivan Geshev ishin me tonë të mprehtë.

Akoma para diskutimit thelbësor, akuzuesi numër një bëri të ditur se, arsyet dhe motivet për të kërkuar largimin e tij janë politike për të kontrolluar prokurorinë. Ministrja e Drejtësisë u përgjigj se këmbëngulja për respektimin e Kushtetutës dhe të ligjeve nuk është kontroll i prokurorisë, por shtet ligjor.