Grupi universitar spanjoll Tuna de Alcalá de Henares po viziton Plovdiv me ftesë të kryetarit të bashkisë Zdravko Dimitrov. Koncerti i tyre në skenën e Teatrit Antik është falas dhe do të paraprihet nga një procesion special në Rrugën kryesore nën tingujt romantikë të kitarave të tyre. Kjo është vizita e tretë e muzikantëve në Bullgari, por edhe me paraqitjen e tyre të parë në vitin 2017 në Burgas, ata rrëmbyen zemrat e publikut me emocionin dhe stilin e tyre.
Orkestra Tuna de Alcalá de Henares ka një repertor tërësisht karakteristik për shkollën e Madridit. Trupa ka një traditë pesëshekullore, me origjinë nga Universiteti “Alcalá de Henares”, në shekullin e 15-të. Tradita daton që nga shfaqjet e studentëve të njohur si sopist (nga spanjishtja sopa, që do të thotë supë), ose studentë me origjinë modeste që përdornin muzikën si një mënyrë për të marrë një tas me supë në bujtina dhe taverna.
Sot, Tuna de Alcalá de Henares është pjesë e jetës universitare dhe urbane të provincës së Madridit, si dhe e trashëgimisë kulturore jomateriale të Spanjës. Muzikantët janë të ftuar të marrin pjesë në një sërë ngjarjesh prestigjioze ndërkombëtare, ekspozita dhe panaire kulturore botërore, si pjesë e kartës së vizitës së atdheut të tyre.
Performanca e tyre nga vizita në Burgas në vitin 2017
Përpilues: Vesella Krësteva
Përgatiti në shqip: Svetllana Dimitrova
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Ndonëse prej më shumë se 20 vitesh Magdalena Todorova Karamitevajeton me familjen jashtë vendit, kënga popullore bullgare e shoqëron kudo. Ajo është autore e dhjetëra teksteve, të cilat i shndërron në këngë, së bashku me bashkëshortin e saj -..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në..