Incidenca e Covid-19 në Bullgari për dy javë është 167 për 100 000 banorë, sipas Portalit të Unifikuar të Informacionit. Shkalla më e lartë e incidencës në një bazë 14-ditore prej mbi 250 për 100 000 banorë u regjistrua në rajonin e qytetit të Sofjes, në qytetet Varna dhe Burgas. Sëmundshmërinë më të ulët në baza dy javore e ka në rrethet e qyteteve Kërxhali, Shumen dhe Veliko Tërnovo.

Sipas hartës së situatës epidemike, të ndarë në pesë rajone sipas zënies së shtretërve spitalorë të kujdesit intensiv, dy rajonet qendrore janë në fazën më të ulët - zero. Brenda ditësh, rajoni jugor, që mbulon rrethet e qyteteve Plovdiv, Pazarxhik, Smoljan, Kërxhali dhe Haskovo, pritet të kalojë në fazën e parë. Rajoni verior qendror që përfshin qytetet Pleven, Loveç, Gabrovo, Veliko Tërnovo dhe Ruse ka zënien më të ulët të shtretërve spitalorë për trajtim intensiv të të infektuarve.