"Ka një popull të tillë” (ITN) largohet nga negociatat në përpjekjen e fundit për të formuar një qeveri në kuadër të Legjislaturës së 47-të të Kuvendit Popullor. Partia është gati për zgjedhje të reja. Këtë e njoftoi në një fjalim të posaçëm lideri i ITN Sllavi Trifonov. “ITN nuk ka vend me këta hipokritë dhe nuk do të marrë pjesë në një qeveri”, tha Trifonov. Ai theksoi se sot “Bullgaria Demokratike” për herë të parë foli atë që ata mendonin realisht.

Deklarata erdhi pasi një kamerë mbeti të ndezur sot në një mbledhje të grupit parlamentar të “Bullgarisë Demokratike”.

Sipas asaj që tha kryetari i Grupit Parlamentar të “Bullgarisë Demokratike”, Hristo Ivanov, çështja e diskutueshme e formimit të qeverisë sillet rreth ligjit për Komisionin për luftimin e korrupsionit dhe konfiskimin e pasurisë së fituar në mënyrë të paligjshme. Me kryetaren e BSP-së, Kornelija Ninova u ra dakord që mandati të mbahet deri më 12 gusht, në mënyrë që të zgjidhet kryetari i ri i këtij komisioni. “Kornelia sillet sikur dëshiron të formojë qeveri”, thotë Ivanov në vlerësimin e negociatave dhe e kritikon atë se nuk e ka informuar ITN se nuk do të kenë ministra.

Pak para kësaj Ninova njoftoi se ka të ngjarë të mbajë mandatin e tretë të paktën deri më 12 gusht, në mënyrë që të mund të zgjidhet një kryetar i ri i Komisioni për Rregullimin e Energjisë dhe Ujit.

• Lideri i BSP-së pyet partnerët e mundshëm se sa do të mbajë mandatin për një kabinet të ri
• Kryetari i Rregullatorit të Energjisë është i zgjedhur në mënyrë të paligjshme