Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria arriti marrëveshje për dyfishimin e kapacitetit përmes terminalit LNG në Aleksandrupolis

Foto: BGNES

“U arrit një marrëveshje në parim për të dyfishuar kapacitetin që ka Bullgaria në terminalin LNG që po ndërtohet në Aleksandrupolis.” Këtë e deklaroi Ministri i Energjetikës Rosen Hristov, pasi ai dhe Presidenti Rumen Radev diskutuan me përfaqësuesit e kompanive Gastrade dhe Copelouzos Group për mundësitë për rritjen e sasive të gazit natyror që Bullgaria do të importojë përmes Greqisë nga Aleksandrupolis. Në takim morën pjesë edhe Kryeministri në detyrë Gëllëb Donev dhe udhëheqjet e “Bullgargaz” dhe “Bullgartransgaz”. Rritja e kontraktuar nga negociatorët është nga 500 milionë metër kub karburant blu në vit në 1 miliard metër kub.

Radev theksoi se është jashtëzakonisht e rëndësishme që terminali të ndërtohet në kohë dhe të lidhë dy vendet nga 1 tetori. Përfaqësuesi i Gastrade Kostis Sifneos tha se Bullgaria do të jetë me prioritet në rezervimin e kapaciteteve dhe siguroi se projekti do të realizohet sipas planit.

“Bullgaria është aksionere me 20 për qind në terminal dhe ka kapacitet të rezervuar për 10 vitet e ardhshme. Ky projekt është vendimtar jo vetëm për partneritetin strategjik midis Bullgarisë dhe Greqisë, por edhe për sigurimin e stabilitetit ekonomik të Ballkanit, Evropës Qendrore dhe Lindore, përmes arritjes së diversifikimit real, sigurisë së furnizimit dhe konkurrencës”, theksoi Radev gjatë takimit. Ai theksoi se përfshirja e Bullgarisë në menaxhimin e portit të Aleksandrupolis është gjithashtu e rëndësishme për vendin tonë.




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 27 gushtin

Natën moti do të jetë i kthjellët dhe pothuajse i qetë. Të mërkurën do të jetë me diell. Do të ketë re të shpërndara të larta mbi rajonet perëndimore dhe veriore. Do të fryjë erë e lehtë deri në mesatare nga lindja. Temperaturat maksimale do..

botuar më 25-08-26 7.40.MD

U zgjatën masat kundër lias te delet dhe dhitë në rajonin e Plovdivit

Në rajonin e Plovdivit, situata epizootike mbetet e komplikuar në lidhje me sëmundjen e lias tek delet dhe dhitë. Me qëllim kontrollin dhe parandalimin e përhapjes së mëtejshme, Agjencia Bullgare për Sigurinë Ushqimore njoftoi se do të zgjatet..

botuar më 25-08-26 6.53.MD

Sindikatat: Nga 1 janari 2026 paga minimale duhet të jetë 1213 leva

Paga minimale do të jetë 1213 leva (620.20 euro) duke filluar nga 1 janari 2026. Shuma e saj do të rritet me 12.6%, ose me 136 leva, krahasuar me nivelin aktual. Kjo parashikohet në projektin e Dekretit të Këshillit të Ministrave, i përgatitur nga..

botuar më 25-08-26 6.21.MD