Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një festival zbulon misterin e bukës rituale të trakëve

7
Foto: Facebook / Academia Orphica

Festivali "Misteret Trake" rikthehet me një program të pasuruar - sërish mes rrënojave të qytetit të vjetër në Nesebër, por për herë të parë edhe në skenën e Teatrit Antik të Plovdivit.Në një territor ku kanë banuar fiset e lashta, do të prezantohet një ripërtëritje e festimeve trake, një koleksion kanavacash mbresëlënëse do të provokojnë audiencën me simbolikë të thellë orfike dhe studiues nga Instituti i Shkencave Transcendente do të flasin për gjuhën e shenjtë të trakëve.


Organizatorët e festivalit, i cili hapet më 30 gusht në qytetin bregdetar, i vunë vetes detyrën që të përcjellin tek njerëzit traditat e kulturës trake përmes gjuhës së artit dhe përvojës personale. Besohet se trakët janë banorët më të lashtë të trojeve bullgare - ata jetonin në fise dhe rrisnin kuaj, grurë dhe rrush.

“Qëllimi i festivalit është që përmes ngjarjeve të veta, formave dhe larmisë  së tij, të ndërtojë një hapësirë ​​interaktive, një territor të shenjtë, në të cilin të gjithë pjesëmarrësit mund të shohin, shijojnë, prekin, veshin dhe përjetojnë personalisht kulturën dhe artin e Trakisë së lashtë, si dhe bukurinëë dhe forcën e saj - thotë Pllamen Ivanov, drejtor artistik i "Akademisë Orfika", organizator i festivalit. Ne do ta zhysim publikun në traditat e trakëve me ndihmën e muzikës autentike dhe të skenografisë, të dramaturgjisë origjinale, të veshjeve festive, që të mund duke u afruar me të gjitha këto, ai të fitojë një interes ndaj burimeve të frymëzimit tonë.”


Krahas shfaqjeve interaktive "Misteret Trake" dhe "Drama e Misterit Trak", në program do të përfshihen edhe punëtori krijuese. Në të parën prej tyre kureshtarët do të afrohen deri tek sekretet dhe mesazhet, të koduara nga paraardhësit tanë në përgatitjen e bukës.

Punëtoria e dytë i është kushtuar misterit të rrobave trake - në këtë punëtori pjesëmarrësit jo vetëm se do të njihen me simbolikën e shenjtë të veshjeve, por dhe do të vishen rrobat e trakëve të lashtë, të punuara sipas pikturimeve nëpër artefaktet autentike. “Njerëzit do t’i shikojnë këto veshje dhe në pikën kulmore të festivalit , e pikërisht në spektaklet e mbrëmjes. Përmes punëtorive ata do të jenë të përgatitur që të mund të përjetojnë misteret në një mënyrë të plotë”, thotë Pllamen Ivanov.


Dhe ata që janë të interesuar nga shkrimet e lashta do të mund të mësojnë më shumë për pllakat kushtimore trake me tekste të shenjta, të zbuluara gjatë gërmimeve arkeologjike në tokat bullgare.

Festivali “Misteret trake” është i hapur për çdo një i cili ka dëshirë të afrohet me traditat shpirtërore të paraardhësve tanë, të cilët kanë forcë dhe sot, deklarojnë organizatorët. Dhe që të mund të arrijnë deri tek më shumë njerëz, do ta përsërisin të gjithë programin një muaj më vonë - më 30 shtator në Plovdiv, ku trakët po kështu kanë lënë gjurmë.

Përgatiti në shqip: Nataniela Vasileva

Foto: Facebook / Academia Orphica


Последвайте ни и в Google News Showcase, за да научите най-важното от деня!

Më shumë nga rubrika

Pllamena Getova dhe Irinej Konstantinov luajnë në film

Një film bullgar do të marrë pjesë në festivalin e filmit në Korçë

Filmi „Dita kur ajo do të lindë“ i Emil Spahijski u përzgjodh në seleksionin zyrtar të Festivalit Ndërkombëtar të Filmit të Shkurtër në Korçë, njofton faqja zyrtare e eventit. “Pas orësh shikimi, ditësh diskutimesh dhe muajsh punë të përkushtuar,..

botuar më 25-08-11 10.31.PD
Foto: Facebook/Agjencia Ekzekutive për Bullgarët Jashtë Shtetit

Për talentet e reja bullgare në mbarë botën në garat e Agjencisë Ekzekutive për Bullgarët Jashtë Shtetit në vitin 2025

Është gjithmonë bukur dhe frymëzuese kur flasim për talentet bullgare në mbarë botën. Dhe është edhe më frymëzuese kur bëhet fjalë për fëmijët. Në një ceremoni të veçantë në Sofje, Agjencia Ekzekutive për Bullgarët Jashtë Shtetit vlerësoi fituesit e..

botuar më 25-08-09 9.40.MD
Foto: Biblioteka rajonale

Iren Veliçkova-Jamami nga Japonia prezanton librin e saj të ri kushtuar qëndismave

Iren Veliçkova-Jamami tregon historinë e Bullgarisë përmes qepjeve të imëta të qëndismave bullgare. Dy vjet më parë, ajo i dhuroi Muzeut Kombëtar të Historisë një hartë të qëndisur me dorë të vendit tonë, dhe tani është gati të prezantojë librin e saj..

botuar më 25-08-09 9.10.PD