Bullgaria është një nga gjashtë vendet që do të jetë në fokus në National Geographic. Ekipi edhe një herë ngrihet në qiell për të shfaqur pamje spektakolare ajrore të Kontinentit të Vjetër në episodet e reja të serisë së dokumentarëve “Evropa nga lart”. Përveç vendit tonë do të përfaqësohen edhe Serbia, Rumania, Danimarka, Skocia dhe Belgjika.

Seriali fillon më 18 shtator me një episod kushtuar veçanërisht kulturës së pasur, natyrës së larmishme dhe arritjeve moderne në fushën e inxhinierisë që mund të shihen në Bullgari. Dhe e gjithë kjo e filmuar me teknologjinë më të avancuar të dronëve dhe aftësitë e pilotëve profesionistë.

Fotografi Vlladisllav Terzijski është piloti kryesor i dronëve, i cili ka marrë pjesë në filmimin e episodit bullgar. Në intervistën për programin “Hristo Botev” të Radios Kombëtare Bullgare ai  la të kuptohet se çfarë duhet pritur nga aventura dokumentare prej një orësh.

“Do të shohim shumë gjëra nga më të ndryshmet, në sfondin e nëntë historive të vogla që zhvillohen në vende të ndryshme të Bullgarisë gjatë katër stinëve që kemi. Ne do të ngjitemi në majën më të lartë në vendin tonë - Musalla, dhe kjo në dimër. Do të jemi gjithashtu dhe në det - në fshatin e peshkimit Çengene Skele pranë Burgasit, i ndërtuar tërësisht nga mbeturina dhe materiale të ricikluara, që është një shembull i përpjekjeve të banorëve vendas për të pastruar plazhet e Detit të Zi nga plastika. 

Në thelb, filmi përpiqet të tregojë larminë e vendit tonë, të thyer përmes historive vërtet interesante njerëzore. Përveç pamjeve me dron, ne kemi pamje nga toka dhe pamje nga një kamerë ekstreme që është e montuar mbi një kafshë, një person ose e vendosur në një vend të caktuar për të mundësuar xhirimin nga një këndvështrim i caktuar.”

Historia e Bullgarisë "nga lart" do të fillojë nga sekretet e fshehura të Perperikonit të lashtë dhe shikuesit do të kenë mundësinë të ndjekin punën në terren të arkeologut Profesor Nikollaj Ovçarov dhe ekipit të tij.

• U zbulua një tempull i ri në Perperikon

Do të tregohet spektakli emblematik "Tingulli dhe drita"  në Veliko Tërnovo. Pamjet do të tregojnë gjithashtu një këndvështrim të ndryshëm për Katedralen "Fjetja e Virgjëreshës së Bekuar Mari" në Varna dhe procesin e prarimit të kupolave të saj.

Vlladisllav Terzijski tregoi se, disa nga fotografitë më sfiduese, të realizuara nga ekipi i vargut të serive, kanë qenë të lidhura me filmimin e kalimit të zakonshëm 7 orësh drejt stacionit meteorologjik të majës Musalla, të meteorologut Zahari Nedjallkov.

Do të mund të shikojmë nga lartë akoma vallen mistike të ndjekësve të mësuesit Petër Dënov, gjatë ritualit të paneuritmias , performuar çdo verë në Shtatë Liqenet e Rillës.

• Vëllazëria e Bardhë dhe Vallja e Diellit në Rilla

Kontrasti i kohës është i koduar nëpamjet e rrokaqiellit të parë bullgar Sky Fort në Sofje - një ndërtesë 202 m e lartë, me 49 kate, e cila ende nuk është përfunduar plotësisht, si dhe historia e monumentit të Buzlluxhës dhe përpjekjet për të shpëtuar dhe rinovuar atë.

• Mozaikët nga pllaka Buzlluxha janë konservuar deri në pranverë

• Buzluxha – kujtesa e kohës

“Më së shumti u argëtova gjatë xhirimeve në Musalla, pavarësisht kushteve të këqija dhe erës së fortë. Nga njëra anë, sepse ishte dimër, nga ana tjetër - po fotografoja një person që e njoh personalisht dhe e respektoj shumë, dhe doli të ishte një ndjenjë mjaft primare. Shumë bukur dhe këndshëm ishte dhe në Shtatë Liqenet e Rillës. Duket se mua mali më tërheq” - pohon Vlladisllav.

• Dhjetë kampionët malorë në Bullgari – misioni i kryer!

Me çdo një histori njerëzore dhe përvojë profesionale, njeriumëson diçka të re e cila e zgjeron horizontin e njohurive për shtetin e tij është kategorik fotografi. Kurse sa i përket imazhit të Bullgarisë, të cilin do ta shikojnë spektatorët në Evropë, ai thotë:

“Do ta shikojnë si një shtet të larmishëm, i cili ka shumë vende të bukura dhe gjëra interesante, të cilat mund t’i bësh gjatë gjithë vitit”.

Përpiloi: Vesella Krësteva

Përgatiti në shqip: Nataniela Vasileva

Foto: Vladislav Terziiski Photography