Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mësime të jashtëzakonshme në fizikë në Muzeun Politeknik Kombëtar

7
Foto: Muzeu Politeknik Kombëtar

Më 15 shtator 1948 shkollat në mbarë Bullgarinë pritën solemnisht nxënësit  e tyre, kurse 57 mijë fëmijë dëgjuan zilen e shkollës për herë të parë. Dhe ndërsa ideja e shkollës si një burim dijeje është në zemër të çdo shoqërie, ajo fare nuk është i vetmi burim nga i cili fëmijët mund të mësojnë më shumë për botën përreth tyre.

Vendi i çudirave - kështu e quajnë dhomën e demonstrimit për mësime të jashtëzakonshme të fizikës në Muzeun Politeknik Kombëtar në Sofje, ku zgjohet interesi dhe dashuria e të mëdhenjve e të vegjëlve ndaj kësaj shkence kaq të ndërlikuar në pamje të parë, e cila në fakt del mjaft dëfryese.


“Kabineti u ndihmon më tepër fëmijëve të afrohen  dhe të kuptojnë ligjet fizike natyrore - sqaron inxhinierja  Veselina Eneva, Zëvendës Drejtoresh e Departamentit “Ekspozitë, punë me publikun dhe projekte” në muze. - Teoria nuk është e mjaftueshme për të kuptuar parimet, veçanërisht të shkencave ekzakte, prandaj procesi arsimor zhvillohet në formën e trajnimit praktik. Nuk është rastësi që motoja e zyrës sonë është fraza e famshme e Konfucit: Dëgjova dhe harrova. Pashë dhe mbajta mend. E përjetova dhe e kuptova”.


Demonstrimet si metodë mësimore e kanë origjinën në Bullgari  akoma që në vitet 70 të shekullit të 19-të, kur në shkollat ​​e mesme në Plovdiv dhe Gabrovo krijohen kabinetet e fizikës. Themelues ka qenë Ivan Gjuzelev , kurse libri i parë shkollor bullgar i fizikës është shtypur nga mësuesi nga qyteti Koprivshtica Najden Gerov në Beograd, në verën e vitit 1849.


Për vizitorët më të vegjël që nuk e mësojnë ende këtë lëndë në shkollë, demonstrimi është i përshtatur për t'i bërë ata të kuptojnë faktin se ekzistojnë ligje themelore natyrore që shkenca ka vendosur dhe të cilave dukuritë në botën rreth nesh u binden pa kushte, për të pranuar se fizika është pjesë e përditshmërisë së secilit, edhe kur parimet dhe ligjet e saj duken si mrekulli. Ata vërtet habiten kur kthejnë pajisjen që demonstron formën gjeoidale të Tokës dhe kuptojnë se planeti ynë nuk është në të vërtetë një sferë.

“Sytë e tyre shkëlqejnë! Janë të mahnitur, por dalin të kënaqur, dhe ka të tillë të cilët nuk duan të ikin - buzëqesh Veselina Eneva. - Një krenari për muzeun është fakti se, kabineti i demonstrimeve është i pajisur me pajisje me një vlerë historike. Një pjesë prej këtyre pajisjeve janë në një gjendje punuese dhe pas restaurimit të tyre profesional janë gati për të hyrë në punë përsëri. Kabineti pasurohet vazhdimisht me instalime eksperimentale moderne, por theksi mbetet tek pajisjet e vjetra. Fakti se ato janë nga një epokë e kaluar, në asnjë mënyrë nuk merr nga aftësia e tyre të mbajnë vëmendjen e nxënësve në rritje. Madje përkundrazi. Kjo u vesh një vlerë suplementare të shtuar dhe hijeshi” - është kategorike bashkëbiseduesja jonë. 

Por, ja dhe urimin, të cilin e drejtoi Veselina Eneva ndaj të gjithë pjesëmarrësve të ardhshëm në çudirat e vogla:

“Gëzuar ditën e parë të shkollës të gjithë nxënësve dhe mësuesve! Falënderojmë ata me të cilët kemi punuar dhe mezi presim t'i shohim sërish gjatë këtij vit shkollor. Përpara për mrekulli!”

Përgatiti në shqip: Nataniela Vasileva

Foto: Muzeu Politeknik Kombëtar dhe Desisllava Semkovska



Последвайте ни и в Google News Showcase, за да научите най-важното от деня!

Më shumë nga rubrika

Një ekspozitë multimediale paraqet historinë dhe zërat e BNR

Më 25 janar 2025 mbushen 90 vjet nga krijimi i Radios Kombëtare Bullgare. Media jonë e feston përvjetorin me një sërë ngjarjesh. Në një transmetim special sot do të prezantohet një projekt multimedial - një ekspozitë virtuale, e cila do të jetë e..

botuar më 25-01-22 8.10.PD
Monumenti i Arkitektit Dabko Dabkov në qendër të Varnës

150 vjet nga lindja e Ark. Dabko Dabkov, i cili la një gjurmë të ndritshme në pamjen e qytetit bregdetar Varna

Komuna e Varnës organizon një festë për 150 vjetorin e lindjes së arkitektit të madh Dabko Dabkov (21 janar 1875 - 8 prill 1945). Përvjetori do të shënohet me një bisedë me temën "Njeriu - Arkitek Dabko Dabkov" nga Hristijan Obllakov - autor i..

botuar më 25-01-21 6.10.PD

Kisha Ortodokse Bullgare dhe Radioja Kombëtare Bullgare bashkojnë forcat në mbështetjen shpirtërore të bashkatdhetarëve jashtë vendit

Mitropoliti i Evropës Perëndimore dhe Qendrore Antonij dhe Drejtori i Përgjithshëm i Radios Kombëtare bullgare (BNR) Milen Mitev nënshkruan një memorandum bashkëpunimi në selinë e dioqezës së Kishës Ortodokse Bullgare – Patrikana Bullgare për Evropën..

botuar më 25-01-20 2.19.MD