Në parlamentin e ardhshëm, pas zgjedhjeve të 2 tetorit, do të ketë tronditje. Sipas sociologëve dhe politologëve, nëse formohet një qeveri, ajo nuk do të jetë e qëndrueshme. Ata i shohin indikacionet në fushatën zgjedhore, e cila është e mbushur me mesazhe negative që nxjerrin në pah vijat e kuqe mes forcave kryesore politike, të cilat mbështeten më së shumti në elektoratin e tyre të vijës së ashpër.

• Bullgaria është sërish në fushatë zgjedhore, a do të ketë zgjidhje të krizës politike?

Edhe pse 69 për qind e bullgarëve, sipas të dhënave të Trend, presin të kenë një qeveri të rregullt pas zgjedhjeve, sipas Julij Pavllov nga Qendra “Ekzaminer”, probabiliteti që ajo të formohet është midis 10 dhe 35%. Sipas psikologes Antoaneta Hristova, partitë do ta kenë të vështirë të bien dakord për një kabinet të mundshëm, por nëse ia dalin do të ketë trazira të rënda politike.