Nga 1 tetori shuma maksimale e pensioneve do të shkojë në 3400 leva. Kjo është rritja e dytë e tavanit të pensioneve për vitin, pasi nga korriku u rrit nga 1500 leva (766 euro) në 2000 leva (1022 euro).

Nga 1 tetori hyn në fuqi gjithashtu edhe rillogaritja e pensioneve të punës të dhëna deri në fund të vitit të kaluar. Ajo bazohet në një “rregull zviceran” të modifikuar, që merr parasysh rritjen e inflacionit dhe të ardhurave nga sigurimet për periudhën nga viti 2008 deri në fund të vitit 2021.

Çdo i treti pensionist, ose pak më shumë se 700 mijë marrin një rritje reale. Pensioni mesatar për muajin tetor do të jetë afër 725 leva (370 euro), që është 8.5 për qind më shumë se në shtator. Këtë e tregojnë të dhënat e Sigurimit Shoqëror Shtetëror.