Ministri i Energjetikës, Rosen Hristov, deklaroi se në Bullgari do të diskutohen masat për mbrojtjen e “Rrymës Turke” pas shpërthimeve të “Rrymës Veriore” 1 dhe 2.

Pas mbledhjes së Këshillit të BE-së në Bruksel, Rosen Hristov deklaroi se Bullgaria insiston në një tavan për çmimet e të gjithë importeve të gazit në BE. “Qëndrimi ynë është që nëse vendoset një masë e tillë, ajo duhet të jetë e përgjithshme për të gjithë gazin. Vendosja e kornizave vetëm për gazin rus është një sanksion, jo një masë ekonomike për të stabilizuar tregun”, shpjegoi ministri.

Siç pritej, ministrat e energjisë të BE-së nuk arritën sot një marrëveshje për çështjen e vendosjes së tavanit të çmimit të gazit natyror. Informacionin e transmetoi korrespondentja e BNR në Bruksel, Angelina Piskova.