Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Gallup: 28.7% është pjesëmarrja elektorale në Bullgari në orën 17:00

| rinovuar më 22-10-02 6.19.MD

28.7% ka qenë pjesëmarrja e votuesve në vend, raportuar në orën 17:00 nga agjencia sociologjike "Gallup International Balkan", e cila është partnere e Radios Kombëtare Bullgare dhe monitoron votimin dhe shpërndarjen e forcave për Asamblenë Kombëtare të 48-të. Në zgjedhjet e mëparshme parlamentare të mbajtura më 14 nëntor 2021, pjesëmarrja në orën 17:00 e regjistruar nga agjencia ishte 30.2%.

Deri në orën 15:00, pjesëmarrja në votim arriti në 23.3 për qind, sipas të dhënave të agjencisë së sondazheve Gallup International Balkan.

Sipas Komisionit Qendror të Zgjedhjeve, pjesëmarrja është e lëvizshme dhe madje pak më e lartë se pjesëmarrja në zgjedhjet e fundit në nëntor 2021.

Sipas sondazhit të “Gallup International”, deri në orën 13:00, në vendin tonë pjesëmarrja në votime ishte 17.6 për qind, njoftoi në një intervistë për BNR sociologia nga agjencia Janica Petkova. Për momentin, ajo mbetet e ulët dhe lëviz si në zgjedhjet e fundit parlamentare të 14 nëntorit 2021, kur rreth orës 13:00 ishte sërish rreth 17.5 për qind. Sipas të dhënave të KQZ-së, prej orës 11:00 ka pasur probleme me funksionimin e 22 makinerive të votimit në vend. Për 10 prej tyre u vendos kalimi në votim me fletë votimi, pasi makineritë nuk funksionojnë për arsye të ndryshme.

Rreth orës 11 pjesëmarrja u rrit në 10.3 për qind. Këtë e tregojnë të dhënat e “Gallup International Balkan”, sipas të cilave aktiviteti është pak më i lartë se aktiviteti i zgjedhjeve të fundit të nëntorit 2021, theksoi Drejtori Ekzekutiv i agjencisë Përvan Simeonov. Sipas tij, është ende herët të thuhet se si do të zhvillohen rezultatet deri në fund të ditës, pasi aktiviteti është relativisht i ulët për standardet bullgare.

Dy orë pas fillimit të votimit në Bullgari, rreth orës 9 të mëngjesit, pjesëmarrja në votime ishte 3.6 për qind krahasuar me listën zyrtare të votuesve, tha për BNR drejtori ekzekutiv i Gallup International Balkan, Përvan Simeonov.

Në raport me zgjedhjet e mëparshme në nëntor 2021, kur pjesëmarrja ishte rreth 4 për qind, tani është më e dobët. Simeonov u bëri thirrje votuesve që të mos i kushtojnë vëmendje rezultateve të improvizuara që do të fillojnë të shfaqen në media të ndryshme, sepse akumulimet do të bëhen të besueshme vetëm në orët e para të pasdites.




Последвайте ни и в Google News Showcase, за да научите най-важното от деня!

Më shumë nga rubrika

Nuk do të ketë para evropiane për Planin Kombëtar të Rimëkëmbjes dhe Qëndrueshmërisë

Pagesa e dytë prej 653 milionë еuro sigurisht që do të refuzohet, edhe pse Bullgaria deri më tani ka përmbushur 85% të angazhimeve të saj për reforma. Kështu deklaroi zëvendëskryeministri dhe ministri i inovacionit dhe zhvillimit Tomisllav Donçev..

botuar më 25-02-26 1.03.MD
Zheço Stankov para Energy Summit

Bullgaria do të ndërtojë kapacitete balancuese të energjisë elektrike në Ballkan

Rritja e lidhjes energjetike midis vendeve në rajon do të ulë çmimet e energjisë elektrike, do të rrisë konkurrencën dhe sigurinë e furnizimit. Kështu deklaroi ministri i energjisë Zheço Stankov në Samitin e Energjisë (Energy Summit), të organizuar..

botuar më 25-02-26 11.26.PD

Sekretari i Përgjithshëm i Organizatës Botërore të Turizmit është për vizitë në Bullgari

Perspektivat për zhvillimin e potencialit të rëndësishëm të turizmit në Bullgari u diskutuan në takimin e kreut të shtetit Rumen Radev dhe sekretarit të përgjithshëm të Organizatës Botërore të Turizmit të OKB-së, Zurab Pololikashvili. I ftuari..

botuar më 25-02-26 9.16.PD