Deri më tani, Bullgaria ishte krenare që 9 nga 10 makina në Evropë kanë pjesë të prodhuara në vendin tonë. Së shpejti do të ketë elementë bullgarë në çdo makinë evropiane, sepse kemi konfirmim nga një investitor i ri i cili është një prodhues global në industrinë e automobilave. Këtë e bëri të ditur ministri i ekonomisë Nikolla Stojanov para seminarit për anëtarët e rinj të trupit diplomatik të huaj në Bullgari, të organizuar nga Ministria e Punëve të Jashtme.

Ministri theksoi para diplomatëve të huaj se Bullgaria është një vend mjaft tërheqës për investime. Është e treta në botë për sa i përket specialistëve të IT-së për frymë dhe në dhjetë vendet e para me inxhinierë softuerësh me arsim të lartë në Evropë.