Masat anti-epidemike lidhur me pandeminë Covid-19 në Bullgari do të zgjaten deri më 12 tetor. Ky është urdhri i Ministrit të Shëndetësisë Asen Mexhidiev nga qeveria e përkohshme, i publikuar në ueb faqen e Ministrisë. Vendimi është bazuar në propozimin e kryeinspektorit shtetëror shëndetësor Angell Kunçev për shkak të sëmundshmërisë në baza 14 ditore. Periudha e mëparshme e vlefshmërisë së masave ishte deri më 5 tetor, njoftoi BTA.

Masat kërkojnë mbajtjen e maskës mbrojtëse në objektet mjekësore dhe institucionet e shërbimit social. Gjithashtu rekomandohet të mbahet një distancë prej 1.5 metrash në vende të hapura publike ku ka grumbullim njerëzish. Nëse është e mundur, punëdhënësit duhet të organizojnë gjithashtu procesin e punës në distancë.