Në lidhje me informacionin që u shfaq në mediat bullgare se qeveria e përkohshme do të blejë avionë “Gripen” nga Suedia, ministri i mbrojtjes Dimitër Stojanov deklaroi në një konferencë se qeveria e përkohshme nuk blen avionë. Ajo mbledh oferta dhe synimi është që këto oferta t’i paraqesë Kuvendit Popullor për të marrë një vendim të informuar për të ardhmen e aviacionit luftarak në Bullgari. Katër vende janë të ftuara të paraqesin oferta për avionë të përdorur - Suedia, Franca, Izraeli dhe SHBA. Për momentin ka përgjigje dhe u zhvilluan takime pune me Francën dhe Suedinë, ende pritet informacion nga dy vendet e tjera, theksoi ministri. Ai kujtoi që në gusht njoftoi se aviacioni luftarak bullgar është në një situatë jashtëzakonisht të vështirë. Sipas tij, pas marrjes së ofertave, ato do të analizohen dhe do të paraqiten në Kuvendin Popullor dhe vetëm pas miratimit të tij do të zhvillohen negociatat për një kontratë specifike.