Është vërtetuar në mënyrë të padiskutueshme se kamioni i hedhur në erë në urën e Krimesë nuk ka qenë asnjëherë në territorin e Bullgarisë, e cila ishte treguar si pikënisja e itinerarit të tij. Këtë e tregon një inspektim i shërbimeve bullgare të sigurisë, i kryer me urdhër të kryeministrit Gëllëb Donev në lidhje me përpjekjet për të përfshirë emrin e Bullgarisë në shpërthimin e urës së Krimesë.

Sipas mediave ruse, kamioni që shpërtheu më 8 tetor 2022 ka transportuar film polietileni.

• Kremlini përfshiu Bullgarinë në shpërthimin e urës së Krimesë

Nga kontrolli u konstatua se mallra me karakteristikë të ngjashme janë futur në territorin e Bullgarisë nga një shtet tjetër anëtar i BE-së në një kontejner me dokumentet e domosdoshme nën regjimin e tranzitit. Gjatë qëndrimit të mallit në fjalë në Bullgari, ata kanë qenë nën mbikëqyrjen doganore dhe janë larguar nga vendi në të njëjtin kontenier përmes portit të Burgasit më 17 shtator 2022, në drejtim të një shteti të ndryshëm nga Rusia. Nga kontrolli bëhet absolutisht e qartë se kontejneri me të cilin malli është larguar nga Bullgaria nuk ka qenë në kamionin e shpërthyer.