2818 raste të kafshëve të egra të dëmtuara u regjistruan nga inspektimet në Bullgari gjatë pesë viteve të fundit, mësojmë nga studimi i parë i këtij lloji për shkallën e shkeljeve ndaj kafshëve të egra në vendin tonë, i përgatitur nga WWF në bazë të informacionit zyrtar nga institucionet përkatëse.
Më shpesh këta janë zogjtë (2089), të ndjekur nga gjitarët (307) dhe zvarranikët (244). Gjuetia pa leje e dhive të egra po bëhet një kërcënim për ruajtjen e specieve dhe mijëra zogj po bien viktimë e ndërhyrjes njerëzore, njoftojnë me shqetësim ambientalistët. Ekzistojnë gjithashtu të dhëna për ekzemplarë të vrarë të specieve të mbrojtura të ariut të murrmë.
“Arinjtë e murrmë janë gjithnjë e më të prirë të ndryshojnë shtrirjen e tyre territoriale për shkak të ndikimit negativ njerëzor. Qasja e lehtë në burimet e ushqimit për shkak të depozitimit jo të duhur të mbetjeve në fshatra është tërheqëse për ta. Pasi afrojnë një zone të populluar, arinjtë klasifikohen si “problem”. Kjo rrit potencialin për konflikt mes njerëzve dhe arinjve, si dhe rrezikun e gjuetisë pa leje”, tha për BNR Vidin Veselina Kavrëkova, drejtoreshë ekzekutive e WWF Bullgari.
Nuk është më pak shqetësuese situata me dinozaurët e Danubit,blinjtë, të cilat gjithashtu janë të rrezikuar në mënyrë kritike. Duke mbijetuar për 200 milionë vitet e fundit, sot ata përballen me një sërë kërcënimesh, si gjuetia pa leje për tregtinë e paligjshme të mishit dhe havjarit, ndërtimi i impianteve ujore që bllokojnë migrimin e tyre, nxjerrja e rërës dhe zhavorrit nga shtrati i lumit, gjë që çon në shkatërrimin e vendeve të vezëve të tyre. Në planin afatgjatë, e gjithë kjo mund të çojë në zhdukjen e popullatave të fundit të blinjve me rritje natyrale në Evropë, paralajmëroi WWF dhe nisi fushatën "Shtëpi e përbashkët. E ardhmja e përbashkët” për mbrojtjen e kafshëve të egra në vendin tonë.
Përpilues: Gergana Mançeva
Përgatiti në shqip: Svetllana Dimitrova
Foto: wwf.bg
Hekurudha nëntokësore e qytetit të Sofjes doli të ishte ndër më të pëlqyerat në Evropë. Metroja e Sofjes renditet e dyta, e tejkaluar vetëm nga ajo në Oslo, njofton TV Euronews. Sondazhi u krye nga kompania Bounce dhe u morën parasysh një sërë..
Patriku bullgar dhe Mitropolit i Sofjes Daniill u dërgoi një mesazh për vitin e ri shkollor mësuesve, nxënësve dhe prindërve. Ai do të tingëllojë sot në hapjen e vitit të ri shkollor në të gjitha shkollat në Bullgari. Në mesazhin e tij "me..
Më shumë se 55 mijë fëmijë bullgarë do të kalojnë për herë të parë pragun e shkollës, me frikë dhe emocione. Më 16 shtator nxënësit e klasës së parë do të hyjnë në dhomat e rinovuara të shkollave, të zbukuruara me tullumbace dhe lule. Dhe aty, të..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Vranësira të dendura
Pjesërisht me re