Prokuroria do të kërkojë ekstradimin e shtetasit rus, i cili supozohet se qëndron pas sulmit kibernetik në faqet e internetit të 14 institucioneve shtetërore bullgare të shtunën, tha për BNR Desisllava Petrova, zëdhënëse e Prokurorisë së qytetit të Sofjes. Megjithatë, nëse autoritetet ruse nuk përmbushin kërkesën, hetimi ndaj të dyshuarit do të kryhet në mungesë.

Për momentin, prokurorët së bashku me shërbimet partnere po kontrollojnë rreth 150 persona për bashkëpunim në sulmin e hakerëve. Një kërkesë për ndihmë juridike do të bëhet edhe në disa vende për shkak të elementit ndërkombëtar të hetimit.

Ekspertët e Shërbimit Kombëtar të Hetimit identifikuan tashmë rajonin rus të Magnitogorsk si burimi i parë i sulmit. Sipas Desisllava Petrova, akti urealizua përmes qindra kompjuterëve të infektuar, të cilët mund të jenë vendosur në pjesë të ndryshme të botës.