Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Berlini është ndalesa e parë në një mini-turne jashtë shtetit të Trios Vasill Spasov

Muzikantët xhaz do të kënaqin publikun edhe në Sofje dhe Paris

Foto: bulgarisches-kulturinstitut.de

Një festë muzikore do të mbahet më 27 tetor në sallën e Institutit Bullgar të Kulturës në Berlin. Kjo është nata e dytë e prezantimit të trios Vasill Spasov në kryeqytetin gjerman. Programi është i përbërë tërësisht nga pjesë origjinale të liderit të formacionit - një pianist dhe kompozitor i famshëm xhaz, me pjesëmarrje të shumta në festivale dhe koncerte prestigjioze në SHBA, Francë, Itali, Belgjikë, Holandë, Austri, Gjermani, Kuvajt, Kinë e gjetkë.

“Ftesën për koncert e morëm shumë kohë më parë dhe prandaj jemi shumë të lumtur që më në fund do të arrijmë ta realizojmë”, tha Vasill Spasov për Radio Bullgarinë.

Vasill Spasov

“Do të hapin koncertin me një program autori, ku do të ekzekutojmë edhe pjesë nga bateristi ynë i njohur Prof. Hristo Jocov - një nga emrat më të njohur të këtij zhanri në vendin tonë. Do të luajmë së bashku me saksofonistin Vlladimir Kërparov, i cili prej vitesh jeton në Berlin dhe është shumë aktiv atje. Ai do t'i bashkohet trios për disa shfaqje, si një surprizë për publikun.”

“Më vjen shumë mirë që Radio Bullgaria pasqyron koncertet. Jam edhe më i lumtur që kam mundësinë të luaj me këta muzikantë dhe miq të mrekullueshëm” - tha Vlladimir Kërparov.

Muzikantët po përgatiten edhe për koncerte të tjera jashtë vendit:

“Rreth dy javë më vonë jemi në Paris, kësaj radhe me bateristin Atanas Popov, me të cilin jemi më shpesh në skenë – thotë Vasill Spasov. – Do të luajmë në Institutin Kulturor Korean në kryeqytetin francez – një sallë e bukur me mundësi të shkëlqyera për të luajtur muzikë. Do të jemi shumë të lumtur të takojmë publikun si në Berlin ashtu edhe në Paris. Një pjesë e tij do të jenë përfaqësues të komuniteteve bullgare atje dhe sigurisht që do të jenë të lumtur të dëgjojnë diçka nga Bullgaria. Këto takime janë gjithmonë shumë emocionuese për ne.”

Përgatiti në shqip: Svetllana Dimitrova

Foto: Instituti Bullgar i Kulturës në Berlin




Последвайте ни и в Google News Showcase, за да научите най-важното от деня!

Më shumë nga rubrika

“Tufë e bekuar” – Kori “Nusha” prezanton albumin e tij më të ri

Popullarizimi dhe interpretimi i muzikës popullore bullgare prej kohësh është misioni i këngëtares, dirigjente dhe pedagoge, Neli Andreeva . Ajo është e njohur edhe për pjesëmarrjen e saj në formacione të ndryshme, përfshirë edhe Korin “Nusha” ,..

botuar më 25-11-13 6.10.PD
Teodosij Spasov (majtas) dhe Hristijan Cvjatkov (kitarë)

Teodosij Spasov dhe Hristijan Cvjatkov prezantojnë në Niagara “Përralla Antarktike”

Një udhëtim muzikor emocionues, i lindur në fundin e botës – në Antarktidë – do të prezantohet më 28 nëntor, në orën 19:00, në Kanada, në adresën: 769 Niagara Stone Rd, Niagara-on-the-Lake, ON L0S 1J0. Virtuozi bullgar me famë botërore i kavallit,..

botuar më 25-11-12 2.39.MD

Këngëtari i rokut Toma mbledh "shenjat" e tij në një album të dytë solo

Që nga shfaqja e tij në skenën muzikore bullgare pothuajse 20 vjet më parë, muzikanti i rokut Toma Zdravkov na ka fituar me praninë e tij autentike. Edhe pse i është përkushtuar kryesisht tingujve të rock and roll, punk dhe country, Toma gjithmonë ka..

botuar më 25-11-11 6.00.PD