Presidenti Rumen Radev e përshkroi vrasjen e një polici kufitar bullgar si të paprecedentë, pasi një oficer bullgar me uniformë u qëllua nga territori i një vendi fqinj. Ai pret që Ministria e Jashtme të thërrasë ambasadorin turk për një shpjegim dhe rasti të hetohet bashkërisht nga të dy vendet.

Grupi që qëlloi patrullën bullgare u tërhoq në brendësi të Turqisë, tha ministri i brendshëm në detyrë Ivan Demerxhiev. “Kolegët turq na siguruan se do të bëjnë gjithçka që është e mundur që këta njerëz të gjenden dhe të sillen para drejtësisë”, tha Demerxhiev.

Gardhi përgjatë kufirit me Turqinë ka vrima dhe nuk është i besueshëm. Na duhet një mur betoni me lartësi 3 metra, tha për bTV ushtruesi i detyrës së ministrit të mbrojtjes Dimitër Stojanov.

• U vra një polic kufitar gjatë një përleshjeje në afërsi të fshatit Goljam Dervent