Ministri në detyrë i Punëve të Brendshme Ivan Demerxhiev do të japë dorëheqjen vetëm nëse këtë e kërkon presidenti Rumen Radev, njoftoi ai vetë në Ellhovo, ku mori pjesë në ceremoninë e nderimit të policit të vrarë kufitar Petër Bëçvarov.

Kërkesa për dorëheqjen e tij nga posti u bënë nga GERB dhe Partia Socialiste Bullgare (BSP) pas incidentit të djeshëm në kufi, ku polici kufitar bullgar u qëllua nga territori turk.

• U vra një polic kufitar gjatë një përleshjeje në afërsi të fshatit Goljam Dervent
  

"Problemet e krijuara në 10 vitet e fundit - reduktimi i stafit të Policisë Kufitare, ndërtimi i një objekti jofunksional përgjatë kufirit, neglizhenca sistematike dhe nënvlerësimi i gjithçkaje këtu - nuk mund të transferohen te qeverisja e tanishme", komentoi Demerxhiev. Ai shtoi se që nga dita e parë si ministër ka ndërmarrë veprime për të rivendosur stafin dhe objektet që sigurojnë jetën dhe shëndetin e njerëzve.

• GERB mbeti në izolim për dorëheqjen e kërkuar të ministrit të brendshëm

Ivan Demerxhiev tha gjithashtu se dy shtetasit turq të arrestuar për vrasjen e policit bullgar janë vëllezër. Sipas tij, ata nuk kanë tentuar të kalojnë brazdën, por kanë pritur viktima të tjera.

• Bullgaria duhet të kërkojë ndihmë nga BE për mbrojtjen e kufirit