Projektet e përfshira në Planin e Rimëkëmbjes dhe Qëndrueshmërisë duhet të garantojnë zhvillimin e qëndrueshëm të ekonomisë bullgare. Për Bullgarinë, plani nuk është vetëm mjete financiare, por një mundësi për modernizimin real të vendit. Kështu deklaroi presidenti Rumen Radev në takimin në Sofje me shefen e grupit të punës për rimëkëmbjen dhe qëndrueshmërinë brenda Komisionit Evropian Celine Gower. Fondet do të mbështesin fusha të rëndësishme si arsimi, shëndetësia dhe drejtësia, theksoi kreu i shtetit. Projektet e parashikuara në kuadrin e planit duhet gjithashtu të kontribuojnë në një tranzicion të qëndrueshëm dhe të drejtë social duke siguruar përzierjen më të mirë energjetike kombëtare dhe të mbështesin Bullgarinë në dëshirën e saj për të vazhduar të afirmohet si një qendër rajonale energjetike përmes zbatimit të teknologjive inovative dhe ekologjike, vuri në dukje ai.