Këshilli i Ministrave nuk ka shprehur qëndrim se vendi ynë është “në prag lufte”. Këtë e deklaroi kryeministri në detyrë Gëllëb Donev gjatë kontrollit parlamentar në përgjigje të një pyetjeje të drejtuar nga kryetarja e BSP-së, Kornelija Ninova, lidhur me një deklarate të zëdhënësit në detyrë të qeverisë, Anton Kutev. Një javë më parë, në një intervistë për BNR, Kutev tha se kur situata është në prag të luftës, duhen armë. “Këshilli i Ministrave monitoron nga afër zhvillimin e konfliktit ushtarak midis Rusisë dhe Ukrainës dhe vlerëson rreziqet dhe kërcënimet ndaj sigurisë kombëtare. Qeveria bullgare po bën atë që është e nevojshme që vendi ynë të jetë gati për një reagim adekuat në rast përshkallëzimi dhe zgjerimi të konfliktit. Këshilli i Ministrave nuk merr vendime nëse dhe çfarë armësh të blejë, por zbaton vendimet e Kuvendit Popullor për modernizimin e Forcave të Armatosura Bullgare”, komentoi kryeministri në detyrë. Ai gjithashtu deklaroi se monitoron dialogun mes partive politike në Kuvendin Popullor dhe theksoi se qytetarët bullgarë presin të formohet një qeveri i rregullt.