Në një mbledhje të mbyllur në Kuvendin Popullor, Komisioni i Mbrojtjes do të diskutojë vendimin për dërgimin e ndihmës ushtarake në Ukrainë. Lista e ndihmave ushtarake është konfidenciale, por pak ditë më parë ministri i ekonomisë dhe industrisë Nikolla Stojanov përmendi se ndihma përfshin armë të lehta dhe disa municione.

Ndërkohë në kryeqytetin e Ukrainës tashmë po përgatiten për një dimër të vështirë. Pasi më shumë se 1000 raketa u lëshuan kundër infrastrukturës energjetike të Ukrainës, sistemi i energjisë nuk është ndërprerë, njofton agjencia ukrainase Interfaks. Agjencia citoi kryedrejtori ekzekutiv të “Ukrenergo”, Vollodimir Kudricki të ketë thënë se Ukraina po përjeton mungesën më të madhe të kapacitetit gjenerues, megjithëse konsumi ra midis 25 dhe 30 për qind në krahasim me periudhën e paraluftës. Autoritetet në Kiev u kërkuan qytetarëve që të përgatiten të evakuohen nëse bëhet e nevojshme ndërprerja e energjisë elektrike dhe pompimi i ujit nga ndërtesat. Në rast të temperaturave të ulëta, ngrirja e ujit në tubacione mund të shkaktojë dëme të pariparueshme në rrjetin e ujit dhe t’i bëjë shtëpitë të pabanueshme.