Partia “Po e vazhdojmë ndryshimin” (PP), e cila pret të marrë nga presidenti Rumen Radev mandatin e dytë për formimin e qeverisë, ftoi të gjitha partitë e përfaqësuara në parlament për bisedime për të formuluar prioritetet që do të përfshihen në programin e Kuvendit Popullor në vitin 2023. Ftesës iu përgjigjën “BSP për Bullgarinë”, “Bullgaria Demokratike” dhe “Ngritja Bullgare”, të cilat dërguan listat e tyre të prioriteteve në qeverisje, për të vendosur pikat e përbashkëta.

Ndër pikat kryesore të theksuara nga PP janë ulja e pabarazisë, përmirësimi i kushteve të biznesit, reforma në drejtësi, legjislacioni kundër korrupsionit dhe një mekanizëm hetimor për Prokurorin e Përgjithshëm. Pas takimit, Nikollaj Denkov, i nominuar për kryeministër nga PP, deklaroi se ka pika të përbashkëta, por ka edhe dallime, siç është stabiliteti fiskal.

Mbi bazën e propozimeve të mbledhura, PP do të përgatisë një deklaratë programore. Nëse ajo mbështetet, partia kur të marrë mandatin do të paraqesë projekt-kabinetin e saj.