Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Çaji Bimor i Stranxhës" u bë produkt i mbrojtur në BE

Foto: mzh.government.bg

Komisioni Evropian zyrtarisht e regjistroi "Çajin Bimor i Stranxhës" në Regjistrin e Treguesve Gjeografikë të Bashkimit Evropian. Që nga 3 qershori 2025, çajit unik bullgar i është dhënë statusi i Emërtimit të Mbrojtur të Origjinës. Ai prodhohet nga gjethet dhe lulet e një bime të gjinisë Sideritis (familja Lamiaceae). Kultivimi i saj kryhet vetëm në zona me ekspozime të përshtatshme dhe toka alkaline - në rajonin e pesë komunave të malit Stranxha: Mallko Tërnovo, Primorsko, Sozopoll, Sredec dhe Carevo. Produkti dallohet nga një shije karakteristike pak e ëmbël, një buqetë aromatike delikate dhe një përmbajtje e lartë e antioksidantëve dhe komponimeve fenolike. Çaji përdoret jo vetëm si pije, por edhe si një ilaç natyral me veti të provuara antibakteriale dhe antivirale, njofton Ministria e Bujqësisë.

Me përfshirjen e "Çajit Bimor i Stranxhës" në regjistër, Bullgaria tani ka gjashtë ushqime të mbrojtura në BE - tri Emërtime të Mbrojtura të Origjinës ("Mjalti i Manit i Stranxhës", "Kosi Bullgar", "Djathë i Bardhë Bullgar i Kripur") dhe dy Tregues Gjeografikë të Mbrojtur ("Suxhuku nga Gorna Orjahovica", "Vaji Bullgar i Trëndafilit"), dhe gjithashtu ka shtatë produkte - specialitete tradicionale karakteristike.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: mzh.government.bg



Последвайте ни и в Google News Showcase, за да научите най-важното от деня!

Më shumë nga rubrika

Nxënësit bullgarë me 4 medalje nga Olimpiada Ndërkombëtare e Fizikës në Paris

Nxënësit bullgarë kthehen me 4 medalje bronzi dhe një diplomë nderi nga Olimpiada Ndërkombëtare e Fizikës, e cila u mbajt këtë vit në Paris, njoftoi Ministria e Arsimit dhe Shkencës. Mbi 400 nxënës nga 85 vende morën pjesë në konkursin..

botuar më 25-07-25 3.11.MD

Universiteti i Mjekësisë-Sofje, për të dhjetën vit është në elitën e universiteteve të botës

Universiteti Mjekësor – Sofje është universiteti më i mirë në Bullgari, sipas renditjes Best Global Universities të U.S. News & World Report për vitin 2025 - 2026. Me 38.1 pikë, Universiteti i Mjekësisë – Sofje renditet i 1144-ti në botë dhe i..

botuar më 25-07-25 1.32.MD
Ministri i Arsimit Krasimir Vëllçev

Tarifat në arsim të paguar: Deri në 60% krahasuar me studimet me financim shtetëror

Tarifat në formën e paguar të arsimit në institucionet e arsimit të lartë nuk do të kalojnë 60% të kostos së jetesës së një studenti me financim shtetëror, vendosi Asambleja Kombëtare, njoftoi gazetarja e BNR-së Violeta Ashikova. Sipas..

botuar më 25-07-24 2.51.MD