Duke vënë në dukje se po përfundon një vit i vështirë, politikanët bullgarë shprehën shpresën para BNR-së se viti i ardhshëm do të jetë më i mirë. Gazetarja Maria Filema tregon se cilat janë shpresat e tyre.

“Kaskada e zgjedhjeve duhet të ndalet”, është i bindur Daniell Mitov nga GERB.

“Këto janë dhembjet e lindjes së një demokracie më të pastër dhe më produktive për të gjithë ne”, shpjegoi Daniell Lorer nga “Po e vazhdojmë ndryshimin”.

Receta për zgjidhjen e problemeve nga Hristo Ivanov nga “Bullgaria demokratike” është që: “Sa më shpejt të përvetësojmë mësimet tona dhe të kuptojmë se nuk do të bëhet më e lehtë, aq më shpejt do të jemi në gjendje t’i zgjidhim detyrat kombëtare”.

“Shpresoj që në vitin e ri 2023 të mund ta vendosim qeverisjen e Bullgarisë në binare krejtësisht të reja në përputhje me interesin kombëtar bullgar në radhë të parë”, janë shpresat e liderit të “Vëzrazhdane” Kostadin Kostadinov.

“Ndoshta një stabilitet politik më serioz që do të çonte në stabilitet ekonomik dhe rritje të të ardhurave të njerëzve”, është dëshirat e Georgi Gjokovit nga BSP.

Halil Letifov nga DPS shprehu shpresën se “krizat do të zgjidhen një nga një”.

“Ka shpresë. Çështja më e rëndësishme është nëse do të ketë urtësi dhe arsye për qëndrim prej burrështetasi”, përfundoi Aleksandër Nikollov nga “Ngritja bullgare”.