Sofja iu bashkua serisë së qyteteve si Nju Jorku, Londra, Berlini, Hong Kongu etj., në të cilat mbahen festivale kineze të fenerëve, me skulptura të bukura shkëlqyese. Vizitorët në parkun e kryeqytetit "Vëzrazhdane" mund të shohin dhe përjetojnë një ekstravagancë ngjyrash dhe dritash. Mbi 170 instalacione ndriçuese të kafshëve të preferuara, luleve, pemëve, formave futuriste transportojnë të rinj e të mëdhenj në një realitet paralel ku përrallat marrin jetë.
Parku magjik “WinterLand” prezanton traditat e pritjes së Vitit të Ri Kinez, mësojmë nga Agjencia Telegrafike Bullgare /BTA/. Parku pret mysafirët e tij me tigra në mes të xhunglës, delfinë që kërcejnë mbi ujë, një foshnjë elefant në madhësi reale, flamingo rozë, një kopsht me fruta gjigante me ngjyra shumëngjyrëshe dhe personazhet e preferuar të fëmijëve...
Instalimet, duke përdorur drita ekonomike LED, janë krijuar së bashku me projektues dhe inxhinierë ekspertë nga Kina dhe mund të shihen deri në fund të shkurtit nga ora 14:00 deri në 22:00.
Përveç spektaklit origjinal prej dritash, parku "Vëzrazhdane" i Sofjes ka edhe një shesh patinazhi për adhuruesit e patinazhit dimëror. Në park, banorët dhe mysafirët e kryeqytetit mund të shijojnë kushtet e mrekullueshme për patinazh, si dhe mundësitë për stërvitje fillestare të fëmijëve dhe të fillestarëve në sporte si hokej mbi akull, patinazh artistik e të tjera.
Sheshi i akullit është pjesë e kompleksit multifunksional "Sport Sofia" me një sipërfaqe prej 800 metrash katrorë dhe një kapacitet deri në 100 përdorues. "Vëzrazhdane" është parku më i ri i kryeqytetit. Ndodhet në lagjen “Zona B-5” dhe është lehtësisht i aksesueshëm me transport publik.
Përpiloi: Veneta Nikollova
Përgatiti në shqip: Vesella Mançeva
Foto: WinterLand
Ditën e djeshme filloi Shkolla Verore e Gjuhës Bullgare e cila do të zhvillohet në auditoret e Fakultetit të Gjuhëve të Huaja të Universitetit të Tiranës në periudhën 1-25 korrik 2024 . Kjo shkollë verore, e para dhe e vetmja e këtij lloji,..
Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze respektoheshin tek pjesa më e arsimuar e shoqërisë sonë si bartëse e vlerave evropiane. Dhe në..
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të qershorit. Ekzaminimet u transmetuan nga mediat kryesore shqiptare, duke përfshirë Radio Televizionin..
Në rreshtat e mëposhtëm, Radio Bullgaria do t'ju tregojë shkurtimisht kushtet të cilat shtetasit e huaj duhet të plotësojnë, që të përdorin ndihmën..
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”...