Alek Kirev është një muzikant i njohur në vitet e para të shekullit të ri si drejtuesi kryesor i grupit NEMO. Viti 2018 shënoi fundin e grupit dhe fillimin e rrugës së tij të pavarur krijuese. Pak javë më parë, Alek na prezantoi albumin e tij të ri, të dytë solo “Gravitacion”. Koleksioni përmban 10 këngë, njëra prej të cilave është “Fytyrat e errëta”. Me të, këngëtari mbështet përpjekjet për parandalimin e dhunës në familje. Kënga njihet nga persona të prekur nga dhuna në familje, të cilët kanë parë nga afër atë anë të errët të fytyrave të atyre që e shkaktojnë atë.

“Do t’i njihni - fytyrat e tyre janë të errëta, nuk kanë dritë..."

Muzikanti thotë se tingëllimi i lehtë i këngës bie qëllimisht në kontrast me mesazhin serioz të ngulitur në tekst.

Videoja e këngës është edhe një lloj kumtimi i filmit dokumentar “Udhëtim drejt Faljes” nga skenaristi dhe regjisor Jasen Grigorov.

Ekipi ua kushton “Fytyrat e errëta” të mbijetuarve të dhunës: “Kjo këngë është një shprehje e shpresës sonë që ne si njerëz jemi të aftë të gjejmë mënyra konstruktive për të kapërcyer dallimet tona.”