Komisioni Evropian refuzoi të komentojë tensionet mes Bullgarisë dhe Maqedonisë së Veriut nga 4 shkurti. Por para BNT theksuan se po monitorojnë me kujdes zhvillimin e marrëdhënieve midis dy vendeve dhe bënë thirrje për “inkurajimin e një atmosfere dialogu dhe respekti të ndërsjellë dhe shmangien e tensioneve të panevojshme”.

“Përpjekjet për të përmirësuar dhe për të qetësuar marrëdhëniet mes Bullgarisë dhe Maqedonisë së Veriut u dëmtuan nga disa veprime specifike të autoriteteve në Shkup, të cilët për arsye jashtëzakonisht jo bindëse, në kundërshtim me garancitë e dhëna më parë, nuk lejuan respektimin e veprës së revolucionarit Goce Dellçev nga qytetarët bullgarë”, komentoi në një konferencë shtypi ushtruesi i detyrës së ministrit të jashtëm Nikollaj Millkov.

“Fatkeqësisht, atë që dëgjojmë si reagime dhe si komente nga Shkupi thjesht shtron pyetjen nëse po flasim për të njëjtën gjë”, shtoi ministri.