Ministri i Jashtëm Nikollaj Millkov foli në telefon me homologun e tij izraelit, Eli Cohen. Ata kanë diskutuar për marrëdhëniet e partneritetit dypalësh dhe ndërkombëtar. Kanë shqyrtuar gjithahstu mundësitë për thellimin e bashkëpunimit në ekonomi, energji, teknologji të reja dhe turizëm. Në dritën e pasojave negative të luftës në Ukrainë, është diskutuar siguria rajonale dhe ndërkombëtare.

Vëmendje e veçantë iu kushtua nismave të ardhshme me rastin e 80-vjetorit të shpëtimit të hebrenjve bullgarë gjatë Luftës së Dytë Botërore. Sipas të dhënave zyrtare të Qendrës Kërkimore të Përkujtimit të Holokaustit «Jad Vashem», në tabelën përballë emrit të Bullgarisë, shkruhet se para luftës në vend ka pasur 50 mijë hebrenj dhe zero viktima. Bullgaria është i vetmi vend në tabelë me zero viktima, raportoi BTA.

• Shpëtimi i hebrenjve bullgarë e mban të zgjuar ndërgjegjen e bullgarëve