Në kuadër të një takimi ballkanik kushtuar bujqësisë, përfaqësues të shtatë vendeve të rajonit diskutuan për vështirësitë me të cilat përballetfurnizimi me ushqime në kohë krize. Veprimtaria, e cila zhvillohet më 10 dhe 11 shkurt në Sofje, u organizua nga Ministria Bullgare e Bujqësisë. Në të marrin pjesë delegacione nga Rumania, Greqia, Kroacia, Mali i Zi, Kosova dhe Sllovenia.

Ministri i bujqësisë Javor Geçev para pjesëmarrësve në forum theksoi se bujqësia është një sektor jashtëzakonisht i rëndësishëm në ekonomi, në shkallë globale dhe rëndësia e saj strategjike është në rritje të vazhdueshme. Prandaj, sipas ministrit Geçev, nevojitet një transformim përmes shfrytëzimit të plotë të shkencës.

Gjatë diskutimeve, përveç temave aktuale, u diskutuan edhe mënyrat e përballimit të proceseve inflacioniste, si dhe aksesi në lëndët e para dhe korridoret e transportit.

Të gjithë delegatët ishin unanim se është e nevojshme të punohet në nivel rajonal për të promovuar prodhimin vendor dhe zinxhirët e shkurtër të furnizimit ndërmjet vendeve të Ballkanit.

• Prodhimi bullgar i frutave sa vjen e ulet, ndërsa importuesit diktojnë çmimet e tyre