Në lidhje me publikimin e emrave të pesë bullgarëve të tjerë të sanksionuar sipas ligjit global amerikan “Magnitsky”, prokuroria njoftoi se do të kërkojë nga autoritetet në Shtetet e Bashkuara informacionin mbi bazën e të cilit u përfshin pesë bullgarët në listën e përditësuar të sanksioneve. Kërkesa do të dërgohet përmes Ministrisë së Drejtësisë. Do të kërkohet gjithashtu informacion nga Ministria e Brendshme, Agjencia Kombëtare e të Ardhurave dhe Komisioni Kundër Korrupsionit, të cilat mund të jenë relevante për të vërtetuar krimet e korrupsionit të të sanksionuarve Vlladisllav Goranov, Rumen Ovçarov, Aleksandër Nikollov, Ivan Genov dhe Nikollaj Malinov.

• SHBA-ja shtoi bullgarë të rinj të sanksionuar në listë sipas Ligjit “Magnitsky”

Kur në vitin 2021 u sanksionuan bullgarët e parë me ligjin “Magnitsky”, Deljan Peevski, Vasill Bozhkov dhe Illko Zheljazkov, një pyetje e ngjashme iu drejtua shërbimeve të SHBA-së, por ajo mbeti pa përgjigje.

• Sanksionet e SHBA-së – vlerësimi i tranzicionit ose apeli i radhës për luftim real të korrupsionit