Sofja dhe Athina ranë dakord të studiojnë mundësinë e ndërtimit të një tubacioni nafte nga qyteti grek i Aleksandupolis deri në qytetin bullgar Burgas. Marrëveshja u nënshkrua nga ministrat e energjetikës të dy vendeve gjatë vizitës së presidentit Rumen Radev në Athinë. U nënshkrua gjithashtu një marrëveshje bashkëpunimi për garantimin e furnizimit me gaz dhe ruajtjen e karburantit blu.

Naftësjellësi “Aleksandupolis – Burgas” është strategjik, duke ofruar një mundësi për diversifikim real dhe furnizime alternative me naftë jo-ruse për rafinerinë në Burgas - më e madhja në Ballkan. Tubacioni do të shmangë pritjen e gjatë dhe rrezikun që cisternat të kalojnë nëpër ngushticat, tha Redev.

“Mund të parashikoj se ky bashkëpunim do të vazhdojë në të ardhmen dhe është një dëshmi e qartë se si vendet mund të bashkëpunojnë për të mirën e qytetarëve të tyre. Greqia dhe Bullgaria mund të bëhen furnizues të energjisë për të gjithë kontinentin”, tha kryeministri grek Kiriakos Micotakis.