Ministria e Brendshme po bën të pamundurën për të parandaluar trafikimin e paligjshëm të emigrantëve. Ministri i punëve të brendshme në detyrë, Ivan Demerxhiev, në Varna tha se mbrojtja e kufirit është problem kombëtar. Sipas tij, vitet e fundit u bënë një sërë gabimesh në mbrojtjen e kufirit, duke përfshirë shkurtimin e 2000 policëve kufitar. Ministri theksoi se në 10 vjet, 110 nga gjithsej 250 km të kufirit nuk janë të siguruar teknikisht dhe i bëri thirrje çdo institucioni bullgar të marrë pjesë në mbrojtjen e zonës kufitare. Demerxhiev shtoi gjithashtu se këtë javë pritet ndihmë teknike nga KE, e cila do të jetë e përmasave të paprecedentë.

Lidhur me zgjedhjet e ardhshme, ministri i brendshëm paralajmëroi se do të ketë sërish aksione për parandalimin e blerjes së votave, si dhe kundër shpërndarjes së drogës dhe krimit në familje.