Që nga java e ardhshme, shteti do të fillojë të informojë rregullisht shoqërinë për praktikat e formimit të çmimeve të ushqimeve. Sqarimi i kësaj është faza e parë që po ndërmerr shteti në lidhje me çmimet e larta, tha ministri i bujqësisë Javor Geçev në hapjen e forumit AGRA në Plovdiv, cituar nga BTA. Sipas Geçevit ka rritje spekulative të çmimeve, ku më së shumti anomali janë vërejtur te bulmetrat. Ai theksoi se nuk është normale që disa ushqime të prodhuara në vendin tonë të kenë çmime më të larta se ato të prodhuara në Francë apo Itali p.sh. Shteti do të fillojë me monitorimin e statistikave për çmimet e produkteve të ngjashme edhe në vendet fqinje të Bullgarisë. Ministri vuri në dukje se tekstet ligjore që lidhen me përcaktimet e praktikave të padrejta janë duke u saktësuar, kështu që t'i mundësojnë shtetit marrjen e masave shtesë.

• Ekspozita bujqësore AGRA hapet në Plovdiv