Pavarësisht kushteve të këqija të motit dhe reshjeve të vazhdueshme të borës, atleti ynë kombëtar Allbert Popov u rendit i treti në sllallomin e Kupës Botërore të Skive Alpine në qendrën dimërore amerikane Palisades Tahoe.

• Albert Popov – shpresa e re e skive bullgare

Pas legjendës Petër Popangellov, i cili garoi me sllalomistin më të mirë të të gjitha kohërave Jan Ingemar Stenmark në vitet '80, 39 vjet më vonë Allbert Popov arriti kohën më të mirë në manshin e dytë (54:06 sek.) pasi u rendit i 25-ti në atë të parë me 53:65 sek.

Norvegjezi Alexander Steen Olsen, kampioni i botës për të rinjtë për vitin 2022, zuri vendin e parë në klasifikimin e përgjithshëm për manshin e parë dhe të dytë me 1:47.47 min (52.84 dhe 54.63 sek), i ndjekur nga bashkatdhetari i tij Timon Haugan, 5 të qindtat e sekondës pas tij. .

Herën e fundit që Bullgaria përfundoi e treta në Kupën e Botës ishte më 16 dhjetor 1984. Atëherë, në Madonna di Campiglio në Itali, Petër Popangellov i Bullgarisë përfundoi i treti në sllallom. Ai është gjithashtu i vetmi garues kombëtar bullgar në disiplinat alpine që u rendit i pari në Kupën e Botës në Lengris (Gjermani) në vitin 1980. Përveç të qenit kampion i shumëfishtë republikan dhe ballkanik, ai është tre herë kampion bote studentor në sllallom – në Spanjë në 1981, në Bullgari në 1983 dhe në Çekosllovaki në 1987.

• Legjenda Petër Popangellov për skitë si mënyrë e jetesës dhe e mendimit