Një kompani ndërkombëtare po fillon ndërtimin e një fabrike për prodhimin e makinave të blinduara në Burgas, e cila do të krijojë 300 vende pune. Investimi është mbi 10 milionë euro. Montimi i makinerive të para do të fillojë në vitin 2024. Kompania planifikon të ndërtojë më shumë fabrika në Bullgari, por vendosi që e para të jetë pranë portit të Detit të Zi.

“Burgasi është një vend shumë i përshtatshëm, sepse është në det, dhe shumica e këtyre makinerive, pasi janë ushtarake, transportohen me ujë dhe kjo jo vetëm që e lehtëson transportin, por edhe e bën më të lirë”, tha pronari Anton Stefov për BNR. Ka mbi 160 modele të ofruara nga prodhuesi, përfshi këtu automjetet luftarake dhe limuzinat. Për ceremoninë e fillimit të ndërtimit janë ftuar biznesmenë nga Emiratet e Bashkuara Arabe, Turqia dhe SHBA.