“Ne kemi një përgjegjësi të përbashkët për sigurinë në rajon. Një objektiv i përbashkët prioritar për dy vendet tona është Shengen dhe ne deklarojmë gatishmërinë tonë për pranimin tonë në të.” Këtë e deklaroi presidenti Rumen Radev pas takimit me homologun e tij rumun Klaus Johanis, i cili është për vizitë në Bullgari me ftesë të kreut të shtetit bullgar. “Ne do të punojmë në mënyrë të konsoliduar për të hequr pengesën tonë ndaj Shengenit, për pranimin tonë më të shpejtë kolektiv”, tha presidenti Radev.

Ai gjithashtu theksoi se së bashku me presidentin rumun dënojnë kategorikisht agresionin rus në Ukrainë dhe riafirmojnë mbështetjen dhe solidaritetin e tyre me luftën e Ukrainës për pavarësi, sovranitet dhe integritet territorial.

Të dy presidentët nënshkruan një deklaratë politike për ngritjen e bashkëpunimit dypalësh në nivelin e një partneriteti strategjik.