Gjatë natës do të mbajë vranësira me reshje shiu, vende-vende kryesisht në zonat e larta të Bullgarisë Perëndimore dhe në rajonin Predballkan, të përziera me borë. Do të fryjë erë mesatare nga verilindja. Temperaturat minimale do të lëvizin nga minus 1°deri në 4°, në Sofje - rreth 0°.

Të premten paradite reshjet e shiut do të ndalojnë në shumicën e zonave dhe deri në fund të ditës vranësitë do të çahen dhe zvogëlohen. Do të vazhdojë të fryjë erë verilindore, në Bullgarinë Lindore - përkohësisht e fortë, por në mbrëmje do të dobësohet. Temperaturat maksimale do të lëvizin ndërmjet 7° dhe 12°, në Sofje rreth 7°.

Në male para mesditës do të mbajë mot kryesisht me vranësira, me reshje të shpërndara bore. Pas mesditës vranësitë do të zvogëlohen. Do të fryjë erë mesatare verilindore. Temperatura maksimale në një lartësi prej 1200 m do të jetë rreth 1°, në 2000 m - rreth minus 5°.

Vranësirat do të jenë të theksuara në Detin e Zi gjatë pjesës më të madhe të ditës, me reshje të dobëta shiu paradite. Në mbrëmje do të ketë ulje më të ndjeshme të vranësirave. Do të fryjë erë mesatare, për një kohë të shkurtër dhe e fortë nga veriu, e cila në mbrëmje do të dobësohet. Temperaturat maksimale do të jenë nja 8°-9°, po aq sa temperatura e ujit të detit.

Jashtë vendit

Në Evropën Perëndimore dhe në Gadishullin Iberik do të mbajë mot i vranët dhe me shi, në disa vende me reshje më të theksuara. Në Gadishullin Skandinav do të jetë me vranësira, erë dhe reshje të theksuara bore. Reshje bore do të ketë në disa rajone në pjesën veriperëndimore të Rusisë Evropiane. Në Evropën Qendrore do të mbizotërojë mot i vranët. Mbi Bjellorusi, Ukrainën Perëndimore, si dhe në Mesdheun Qendror do të mbajë mot kryesisht me diell.