“Ministria e Punëve të Jashtme po monitoron me shqetësim në rritje zhvillimet në Maqedoninë e Veriut lidhur me përpjekjet për të kufizuar të drejtën e asociimit të bullgarëve në vend”, thuhet në deklaratën e zëdhënësit të MPJ-së. Ai kujton qëndrimin e djeshëm të Komisionit për shfrytëzimin e emrave personalë në vend, se klubi kulturor bullgar në Manastir nuk mund të quhet “Ivan Mihajllov” - vendim që më pas u miratua nga ministri i drejtësisë. Në të njëjtën kohë, Regjistri Qendror refuzoi kërkesën për harmonizimin e emrit të shoqatës “Mbreti Boris III” në Ohër. E gjithë kjo i jep arsye ministrisë bullgare të theksojë se vendimet e marra nga autoritetet në Maqedoninë e Veriut bien ndesh me angazhimet e marra në fushën e të drejtave të njeriut dhe detyrimin për të garantuar të drejta dhe liri të barabarta për të gjithë qytetarët, përfshirë edhe ata që identifikohen si bullgarë. 

• Sulmuan Qendrën Kulturore Bullgare në Shkup

Sipas nënpresidentes Ilijana Jotova, nuk ka asnjë shenjë se qeveria e Maqedonisë së Veriut dëshiron të frenojë gjuhën e urrejtjes ndaj çdo gjëje bullgare dhe autoritetet të ndërmarrin veprime kundër të ashtuquajturve vepra penale. “Komisioni i përbashkët historik nuk po funksionon. Nuk ka asnjë ndryshim në tekstet shkollore për të cilat insistonte pala bullgare dhe as për pretendimet e tjera të Bullgarisë, të cilat janë të shkruara bardhë e zi në protokollin e përbashkët”, tha ajo.