Natën moti do të kthjellohet në të gjithë vendin. Do të jetë pothuajse qetë në shumicën e rajoneve. Vetëm në zonat lindore do të fryjë erë e lehtë deri në mesatare nga jugu-jugperëndimi. Temperaturat minimale do të jenë ndërmjet 4° dhe 9°, për Sofjen - rreth 4°.

Të enjten, mot me diell do të mbizotërojë në pjesën më të madhe të vendit. Retë do të jenë të pranishme në orët e pasdites mbi zonat malore, dhe nga jugperëndimi në gjysmën e dytë të ditës, do të fillojë një rritje e vranësirave të larta. Do të fryjë erë e lehtë deri mesatare nga jugu-jugperëndimi. Temperaturat maksimale do të jenë ndërmjet 23° dhe 28°, për Sofjen - rreth 25°.

Do të jetë kryesisht me diell përgjatë bregdetit të Detit të Zi. Do të fryjë erë e moderuar nga juglindja. Temperaturat maksimale do të jenë nga 16° deri në 21°. Temperatura e ujit të detit është 14°-16°. Valët e detit do të jenë rreth 2-3 ballë.

Në male para mesditës do të mbizotërojë mot me diell. Shtëllunga resh do të përhapen pas mesditës. Retë e larta do të shtohen dhe do të trashen nga mesdita. Do të fryjë erë mesatare dhe përkohësisht e fortë nga perëndimi-jugperëndimi. Temperatura maksimale në lartësi 1200 metra do të jetë rreth 17°, në 2000 metra - rreth 8°.

Redaktoi: Darina Grigorova

Përgatiti në shqip dhe publikoi: Svetllana Dimitrova

Foto: EPA/BGNES